Jambyl oblysy Qordai aýdanyndaǵy áskeri bólimde merzimdi áskeri boryshyn atqaryp júrgen jas jigit kazarmanyń tórtinshi qabatynan sekirip, mert boldy. Bul týraly qorǵanys ministrligi habarlady.
"82796 áskeri bólimde merzimdi áskeri qyzmet atqaryp júrgen jaýynger sýitsid jasap, kazarmanyń tórtinshi qabatynan sekirdi. Reanimatsiia sharalaryna qaramastan 20 mamyrda esin jimaǵan kúii kóz jumdy. Qorǵanys ministrligi qaitys bolǵan jigittiń týystary men jaqyndaryna kóńil aitady" delingen qorǵanys ministrliginiń habarlamasynda.
Vedomstvo quqyq qorǵaý organdarynyń tergeý júrgizip jatqanyn, tergeý qupiialylyǵyna bailanysty qalǵan aqparat aitylmaitynyn málimdedi.
Aita keteiik, merzimdi qyzmetker 2021 jyldyń sáýirinde áskerge shaqyrylyp, 15 mamyrda áskeri ant bergen.
82796 áskeri bólimi Jambyl oblysy Qordai aýdanynyń Gvardeiskii kentinde ornalasqan.
Qazaqstanda áskeri boryshyn ótep júrgen sarbazdardyń sýitsid jasaǵany jaily aqparat jii shyǵady. Byltyr Almaty oblysynda áskerge shaqyrtylǵanyna úsh ai bolǵan 19 jastaǵy jigit biik munaradan sekirip, mert boldy. Sol kezde sarbazdyń ózine qol jumsaýyna áskerdegi álimjettik sebep boldy dep aitylǵan.
