جامبىل وبلىسى قورداي اۋدانىنداعى ەسكەري بٶلٸمدە مەرزٸمدٸ ەسكەري بورىشىن اتقارىپ جٷرگەن جاس جٸگٸت كازارمانىڭ تٶرتٸنشٸ قاباتىنان سەكٸرٸپ, مەرت بولدى. بۇل تۋرالى قورعانىس مينيسترلٸگٸ حابارلادى.
"82796 ەسكەري بٶلٸمدە مەرزٸمدٸ ەسكەري قىزمەت اتقارىپ جٷرگەن جاۋىنگەر سۋيتسيد جاساپ, كازارمانىڭ تٶرتٸنشٸ قاباتىنان سەكٸردٸ. رەانيماتسييا شارالارىنا قاراماستان 20 مامىردا ەسٸن جيماعان كٷيٸ كٶز جۇمدى. قورعانىس مينيسترلٸگٸ قايتىس بولعان جٸگٸتتٸڭ تۋىستارى مەن جاقىندارىنا كٶڭٸل ايتادى" دەلٸنگەن قورعانىس مينيسترلٸگٸنٸڭ حابارلاماسىندا.
ۆەدومستۆو قۇقىق قورعاۋ ورگاندارىنىڭ تەرگەۋ جٷرگٸزٸپ جاتقانىن, تەرگەۋ قۇپييالىلىعىنا بايلانىستى قالعان اقپارات ايتىلمايتىنىن مەلٸمدەدٸ.
ايتا كەتەيٸك, مەرزٸمدٸ قىزمەتكەر 2021 جىلدىڭ سەۋٸرٸندە ەسكەرگە شاقىرىلىپ, 15 مامىردا ەسكەري انت بەرگەن.
82796 ەسكەري بٶلٸمٸ جامبىل وبلىسى قورداي اۋدانىنىڭ گۆاردەيسكيي كەنتٸندە ورنالاسقان.
قازاقستاندا ەسكەري بورىشىن ٶتەپ جٷرگەن ساربازداردىڭ سۋيتسيد جاساعانى جايلى اقپارات جيٸ شىعادى. بىلتىر الماتى وبلىسىندا ەسكەرگە شاقىرتىلعانىنا ٷش اي بولعان 19 جاستاعى جٸگٸت بيٸك مۇنارادان سەكٸرٸپ, مەرت بولدى. سول كەزدە ساربازدىڭ ٶزٸنە قول جۇمساۋىنا ەسكەردەگٸ ەلٸمجەتتٸك سەبەپ بولدى دەپ ايتىلعان.
