Jambyl oblysynda salynyp jatqan Merki-Býrylbaital tasjolynda jumysshylar narazylyqqa shyqty. Olar jalaqyny kóbeitip, eńbek jaǵdaiyn jaqsartýdy talap etedi. Bul týraly Atameken Business telearnasy siýjetinde aityldy, - dep habarlaidy Tengrinews.kz tilshisi.
Narazylyqqa shyqqandardyń aitýynsha, sońǵy úsh jylda qytailyq kompaniia olarǵa eń tómengi jalaqyny tólep keledi. 80-nen astam jumysshy Qazaqstan Prezidentinen kómek surap, basshylyq barlyq talapty oryndamaiynsha jumysqa shyǵýdan bas tartty.
"Biz qytailyq kompaniiada jaldamaly jumysshylarmyz. Mundai jaǵdaiǵa shydamaitynymyzdy eki aidan beri aityp júrmiz. Bizge: "Unamasa ketińder" dedi. Munda tipti arnaiy kiim de joq", - deidi jumysshy Mergenbai Dabylov.
Jol ýchaskesi qurylysynda 200-ge jýyq jergilikti turǵyn jumyspen qamtylǵan. Bul rette jalaqy 60 myń teńgeden bastalyp, 120 myńnan aspaidy. Jumysshylardyń aitýynsha, 10 saǵattyq jumys kúnine bul mardymsyz jalaqy.
Qytailyq kompaniia basshylyǵy jobanyń ózi tiimsiz ekenin aitty. Barlyq esepteýler 2017 jylǵy baǵalaý negizinde jasalǵan. "2017 jyldan beri qurylys materialdarynyń baǵasy aitarlyqtai ósti. Osy sebepti jalaqyny kótere almai otyrmyz", - deidi kompaniianyń bas injeneri Tsiýan Itsiýan.
Jambyl oblysy ákiminiń orynbasary Nurjan Kalenderov máseleni tek Qytai tarapy ǵana sheshe alatynyn atap ótti.
"Ne aitatynyn kúteiik. Ýáde etkenderindei, úsh kúnde jalaqyny kótere me. Sheshilmese, Bas prokýratýraǵa júginemiz", - dedi ol.
