جامبىل وبلىسىندا سالىنىپ جاتقان مەركٸ-بۋرىلبايتال تاسجولىندا جۇمىسشىلار نارازىلىققا شىقتى. ولار جالاقىنى كٶبەيتٸپ, ەڭبەك جاعدايىن جاقسارتۋدى تالاپ ەتەدٸ. بۇل تۋرالى Atameken Business تەلەارناسى سيۋجەتٸندە ايتىلدى, - دەپ حابارلايدى Tengrinews.kz تٸلشٸسٸ.
نارازىلىققا شىققانداردىڭ ايتۋىنشا, سوڭعى ٷش جىلدا قىتايلىق كومپانييا ولارعا ەڭ تٶمەنگٸ جالاقىنى تٶلەپ كەلەدٸ. 80-نەن استام جۇمىسشى قازاقستان پرەزيدەنتٸنەن كٶمەك سۇراپ, باسشىلىق بارلىق تالاپتى ورىندامايىنشا جۇمىسقا شىعۋدان باس تارتتى.
"بٸز قىتايلىق كومپانييادا جالدامالى جۇمىسشىلارمىز. مۇنداي جاعدايعا شىدامايتىنىمىزدى ەكٸ ايدان بەرٸ ايتىپ جٷرمٸز. بٸزگە: "ۇناماسا كەتٸڭدەر" دەدٸ. مۇندا تٸپتٸ ارنايى كيٸم دە جوق", - دەيدٸ جۇمىسشى مەرگەنباي دابىلوۆ.
جول ۋچاسكەسٸ قۇرىلىسىندا 200-گە جۋىق جەرگٸلٸكتٸ تۇرعىن جۇمىسپەن قامتىلعان. بۇل رەتتە جالاقى 60 مىڭ تەڭگەدەن باستالىپ, 120 مىڭنان اسپايدى. جۇمىسشىلاردىڭ ايتۋىنشا, 10 ساعاتتىق جۇمىس كٷنٸنە بۇل ماردىمسىز جالاقى.
قىتايلىق كومپانييا باسشىلىعى جوبانىڭ ٶزٸ تيٸمسٸز ەكەنٸن ايتتى. بارلىق ەسەپتەۋلەر 2017 جىلعى باعالاۋ نەگٸزٸندە جاسالعان. "2017 جىلدان بەرٸ قۇرىلىس ماتەريالدارىنىڭ باعاسى ايتارلىقتاي ٶستٸ. وسى سەبەپتٸ جالاقىنى كٶتەرە الماي وتىرمىز", - دەيدٸ كومپانييانىڭ باس ينجەنەرٸ تسيۋان يتسيۋان.
جامبىل وبلىسى ەكٸمٸنٸڭ ورىنباسارى نۇرجان كالەندەروۆ مەسەلەنٸ تەك قىتاي تاراپى عانا شەشە الاتىنىن اتاپ ٶتتٸ.
"نە ايتاتىنىن كٷتەيٸك. ۋەدە ەتكەندەرٸندەي, ٷش كٷندە جالاقىنى كٶتەرە مە. شەشٸلمەسە, باس پروكۋراتۋراعا جٷگٸنەمٸز", - دەدٸ ول.
