Jambyl oblysynda koronavirýstan kóz jumǵan naýqasqa qatysty málimetter jariialandy, dep habarlaidy "Ult aqparat" oblys ákimdigine silteme jasap.
61 jastaǵy er adam Pavlodar oblysynyń turǵyny. Ol alysqa qatynaityn júk kóliginiń júrgizýshisi bolyp jumys istegen. 20 naýryz ben 18 sáýir aralyǵynda Resei, Belarýs, Polsha, Chehiia jáne Qyrǵyz Respýblikalarynda bolǵan.
Algoritmge sáikes memlekettik shekarany kesip ótý kezinde odan COVID-2019-ǵa alynǵan zerthanalyq taldaý oń nátije kórsetken.
19 sáýirinde naýqastyń dene qyzýy joǵarlap, qaltyraý, álsizdik pen qurǵaq jótelge qatysty shaǵymdmen aýrýhanaǵa jatqyzylǵan. Diagnostika barysynda, tynys alý jetkiliksizdigi bar eki jaqty polisegmentarly pnevmoniianyń asqynýymen koronavirýs infektsiiasy rastalǵan.
Emdeý sharalary jáne naýqasty baqylaý Nur-Sultan qalasyndaǵy KVI boiynsha ahýaldyq ortalyqtyń mamandarymen onlain rejimde kelisilip otyrdy.
23 sáýirden bastap naýqastyń jaǵdaiy qosymsha aýrýlaryna bailanysty nasharlai túsken. Qosymsha aýrýlary: júrek zaqymdalýymen gipertoniialyq aýrý, sozylmaly bronhit jáne 2 dárejeli semizdik.
Qarqyndy emdeý sharalaryna qaramastan, kóptegen músheler qyzmetiniń jetkiliksizdigi belgisi joǵarylady.
4 mamyrda saǵat 01.20-da reanimatsiialyq is-sharalar nátijesiz bolyp, naýqastyń júregi toqtady.
Eske sala ketsek, 4 mamyrda saǵat 22:20-da Jambyl oblysynda 1, Qaraǵandy oblysynda 1 naýqas koronavirýstan kóz jumǵany habarlandy.
