Jambyl oblysy Merki aýdany taýlarynda qalyń jaýǵan qar aralas nóser saldarynan jergilikti avtojol jáne Aspara-Shý aralyǵyndaǵy temirjol kópiriniń tiregin sý shaiyp ketti. Bul týraly QTJ baspasóz qyzmeti habarlady.
Jasandy sý ótkizý qurylymdary tolyq rejimde jumys istedi, biraq temirjol kópiriniń tirek negizderi sý kóleminiń aýqymy men qysymy saldarynan shaiylyp ketti. Qazir júk jáne jolaýshylar poiyzdarynyń qozǵalysy toqtatyldy. Qalpyna keltirý jumystary júrgizilýde. Zardaptardy joiý úshin arnaiy temirjol jáne avtotraktorlyq tehnika, temir jol kóliginiń 75 qyzmetkeri jumyldyryldy. Oqiǵa ornyna qajetti materialdar (shpaldar, relster, qiyrshyq tas, kesek tas) jetkizildi. Jumysty 16 tamyz kúni tańerteńgisin aiaqtaý josparlanýda.
Osyǵan bailanysty myna baǵyttar:
- №712 Shymkent-Nur-Sultan Nurly jol baǵyty;
- №78 Mańǵystaý - Almaty-2 qatynasymen;
- №42 Atyraý-Almaty-2 qatynasymen;
- №23 Almaty - 1 baǵyty-Aqtóbe;
– № 29 Almaty -2-Atyraý baǵyty;
- №33 «Almaty-2 – Aqtóbe» baǵyty boiynsha jolaýshylar poiyzdarynyń keshigýi kútilýde.
Tolyǵyraq aqparat alý úshin jolaýshylar temirjol vokzaldarynyń anyqtama biýrosyna nemese 105 biryńǵai anyqtama qyzmetine habarlasý qajet.
