Jambyl oblysynda karantin shekteýlerin saqtaý boiynsha reid júrgizilip jatyr, dep habarlaidy "Ult aqparat".
Jambyl oblysynyń politsiia qyzmetkerleri bir táýlik ishinde Taraz qalasyndaǵy 40 adamǵa arnalǵan jylyn berý, Jýaly aýdanyndaǵy 50 adamǵa arnalǵan úilený toiyn, Qordai aýdanyndaǵy 35 adamǵa arnalǵan týǵan kúndi, Shý qalasynda otbasylyq mereke jáne 65 adamǵa arnalǵan mereitoidy anyqtap, toqtatty.
Oblystyq politsiia departamentiniń baspasóz qyzmetiniń habarlaýynsha karantin rejimi kezinde jappai otbasylyq is-sharalarǵa tyiym salynǵanymen, karantin shekteýin elegisi kelmeitinder qatary azaiar emes.
«Keshe oblystyq politsiia qyzmetkerleri kóptegen azamat bas qosqan alty merekelik jáne eske alý sharasyn anyqtap, maska rejimin buzýǵa qatysty 17 fakti tirkedi. Sonymen qatar dúken, dárihana, ashana, mal bazarlary men kafe-bar ieleriniń arnaiy talaptardyń buzylýyna jol bergendigi belgili boldy. Alty oiyn-saýyq mekemesiniń iesine jáne 17 jeke kásipkerge, sondai – aq ózge de jeke tulǵalarǵa qatysty QR ÁQBtK 425-baby boiynsha ákimshilik jaýapkershilikke tartý boiynsha taýarlar men kórsetiletin qyzmetterdiń sapasy men qaýipsizdigin baqylaý departamentine joldaý úshin materialdar jinaldy», - dedi Jergilikti politsiia basqarmasynyń bastyǵy Rahymberdi Áshkeev.
Aita ketý kerek, bir táýlik ishinde mobildi top 177 kásipkerlik nysandy tekserip, karantin rejimin buzýǵa qatysty 23 fakti anyqtaǵan.
