Jambyl oblysynda jol boiyndaǵy ǵimaratta gaz balony jarylyp, kúiik shalǵan eki adam aýyr jaǵdaida aýrýhana jatqyzyldy, - dep habarlaidy "Ult aqparat".
Oqiǵa týraly oblystyq tótenshe jaǵdai departamentiniń baspasóz qyzmeti habarlady.
«25 jeltoqsan kúni saǵat 16-36-da Baizaq aýdanynda, «Almaty-Tashkent» tas jolynyń 597 shaqyrymynda, jol boiynda qurylysy bastalǵan jem zaýytynyń jumysshylarǵa arnalǵan ashana retindegi beiimdelgen garaj bokstarynda gaz ballony (50l) jaryldy. Saldarynan tutanǵan órt 150 sharshy metr alańdy sharpydy. Jarylys saldarynan bokstardyń beton qabyrǵasy men 2 ishki kirpish qalqandary qirady. Oqiǵa nátijesinde 1966 jáne 1960 jyly týǵan azamattar kúiik alyp, aýyr jaǵdaida aýrýhanaǵa jatqyzyldy. Órt 17 saǵat 02 minýtta aýyzdyqtalyp, 17 saǵat 22 minýtta sóndirildi»,-delingen vedomstvo habarlamasynda.
Oqiǵa ornynda TJ departamentiniń 22 qyzmetkeri jáne 6 birlik tehnika jumyldyrylǵan. Sondai-aq, órttiń sebebin anyqtaý úshin oqiǵa ornyna jyljymaly órt-tehnikalyq zerthanasy jóneltilgen.
