جامبىل وبلىسىندا جول بويىنداعى عيماراتتا گاز بالونى جارىلىپ, كٷيٸك شالعان ەكٸ ادام اۋىر جاعدايدا اۋرۋحانا جاتقىزىلدى, - دەپ حابارلايدى "ۇلت اقپارات".
وقيعا تۋرالى وبلىستىق تٶتەنشە جاعداي دەپارتامەنتٸنٸڭ باسپاسٶز قىزمەتٸ حابارلادى.
«25 جەلتوقسان كٷنٸ ساعات 16-36-دا بايزاق اۋدانىندا, «الماتى-تاشكەنت» تاس جولىنىڭ 597 شاقىرىمىندا, جول بويىندا قۇرىلىسى باستالعان جەم زاۋىتىنىڭ جۇمىسشىلارعا ارنالعان اسحانا رەتٸندەگٸ بەيٸمدەلگەن گاراج بوكستارىندا گاز باللونى (50ل) جارىلدى. سالدارىنان تۇتانعان ٶرت 150 شارشى مەتر الاڭدى شارپىدى. جارىلىس سالدارىنان بوكستاردىڭ بەتون قابىرعاسى مەن 2 ٸشكٸ كٸرپٸش قالقاندارى قيرادى. وقيعا نەتيجەسٸندە 1966 جەنە 1960 جىلى تۋعان ازاماتتار كٷيٸك الىپ, اۋىر جاعدايدا اۋرۋحاناعا جاتقىزىلدى. ٶرت 17 ساعات 02 مينۋتتا اۋىزدىقتالىپ, 17 ساعات 22 مينۋتتا سٶندٸرٸلدٸ»,-دەلٸنگەن ۆەدومستۆو حابارلاماسىندا.
وقيعا ورنىندا تج دەپارتامەنتٸنٸڭ 22 قىزمەتكەرٸ جەنە 6 بٸرلٸك تەحنيكا جۇمىلدىرىلعان. سونداي-اق, ٶرتتٸڭ سەبەبٸن انىقتاۋ ٷشٸن وقيعا ورنىنا جىلجىمالى ٶرت-تەحنيكالىق زەرتحاناسى جٶنەلتٸلگەن.
