Jambyl oblysynyń politseiler 9,5 keli keptirilgen marihýana saqtaǵan turǵyndy ustady, dep habarlaidy "Ult aqparat".
Baizaq aýdanynyń qumdy aimaǵynda ornalasqan sharýa qojalyqtarynyń birinde baqtashy bolyp jumys istei júrip, er adam jabaiy qarasora butalaryn julyp alyp, keptirip, untaqtap, eki qapqa jinaǵan.
Oblystyq politsiia departamentiniń baspasóz qyzmetiniń málimetine qaraǵanda, s almaǵy 9 kilogramm 500 gramm bolatyn esirtki zatyn 34 jastaǵy er adam jylqyǵa artyp, sharýa qojalyǵyna jetkizgen.
«Politseiler ony saraidan tapqan. Atalǵan fakti boiynsha QR Qylmystyq kodeksiniń 296-baby 4-bóligi boiynsha sotqa deiingi tergeý amaldary júrgizilýde»,- delingen vedomstvo habarlamasynda.
