Jambyldyq politseiler Almaty qalasynyń turǵynynyń kóliginen 47 keliden astam gashish taýyp, tárkiledi, - dep habarlaidy "Ult aqparat".
Jambyl oblysy Politsiia departamentiniń esirtki qylmysyna qarsy is-qimyl basqarmasynyń qyzmetkerleri jedel-izdestirý is-sharalaryn júrgizý barysynda «Batys Eýropa-Batys Qytai» avtojolynyń 260-shaqyrymynda Almaty qalasynyń 39 jastaǵy turǵynynyń basqarýyndaǵy «Golf-3» markaly avtokóligi toqtatty.
Avtokóliktiń júksalǵyshynan eki sómke tabylyp, ondaǵy zattardyń salmaǵy 47 kg 850 grammdy quraityn gashish esirtkisi ekeni anyqtaldy.
«Atalǵan derek boiynsha Qylmystyq kodekstiń 297-baby 3-bóligi boiynsha sotqa deiingi tergeý amaldary júrgizilýde. Kúdikti óz kinásin moiyndap, Qordai aýdanynyń ýaqytsha ustaý izoliatoryna qamaýǵa alyndy. Osy qylmysty jasaǵany úshin múlki tárkilenip, on jyldan on bes jylǵa deiingi merzimge bas bostandyǵynan aiyrý jazasy kózdelgen», – dep málimdedi Politsiia departamentiniń esirtki qylmysyna qarsy is-qimyl basqarmasynyń bastyǵy Asqar Jumabekov.
