جامبىلدىق پوليتسەيلەر الماتى قالاسىنىڭ تۇرعىنىنىڭ كٶلٸگٸنەن 47 كەلٸدەن استام گاشيش تاۋىپ, تەركٸلەدٸ, - دەپ حابارلايدى "ۇلت اقپارات".
جامبىل وبلىسى پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا «باتىس ەۋروپا-باتىس قىتاي» اۆتوجولىنىڭ 260-شاقىرىمىندا الماتى قالاسىنىڭ 39 جاستاعى تۇرعىنىنىڭ باسقارۋىنداعى «Golf-3» ماركالى اۆتوكٶلٸگٸ توقتاتتى.
اۆتوكٶلٸكتٸڭ جٷكسالعىشىنان ەكٸ سٶمكە تابىلىپ, ونداعى زاتتاردىڭ سالماعى 47 كگ 850 گراممدى قۇرايتىن گاشيش ەسٸرتكٸسٸ ەكەنٸ انىقتالدى.
«اتالعان دەرەك بويىنشا قىلمىستىق كودەكستٸڭ 297-بابى 3-بٶلٸگٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. كٷدٸكتٸ ٶز كٸنەسٸن مويىنداپ, قورداي اۋدانىنىڭ ۋاقىتشا ۇستاۋ يزولياتورىنا قاماۋعا الىندى. وسى قىلمىستى جاساعانى ٷشٸن مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋ جازاسى كٶزدەلگەن», – دەپ مەلٸمدەدٸ پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى اسقار جۇمابەكوۆ.
