Jambyl oblysynda alǵash ret túzeý mekemesinde jatqan pedofilge himiialyq kastratsiia jazasy qoldanylady, dep habarlaidy "Ult aqparat".
Qazirgi tańda qalalyq emhana mamandary jazaǵa kesilgen qylmyskerdiń densaýlyǵyn jan-jaqty zerdeleýde.
Olar sottalýshyǵa qandai himiialyq ekpe salý kerektigin anyqtaidy.
Jalpy, Jambyl oblysyndaǵy túzeý mekemelerinde jatqan 13 pedofilge kastratsiia jasaý josparlanǵan.
Oǵan biýdjetten 1 million 373 myń teńge qarajat bólingen.
Sot sheshimi shyqqan jaǵdaida meditsinalyq saraptamadan soń himiialyq ekpe jasalady.
«Antiandrogendik preparattar taǵaiyndaý - ol da ózinshe bir úlken jumys, óitkeni ol ár adamnyń fizikalyq jaǵdaiyna bailanysty. Oǵan allergiialyq reaktsiiasy bar ma, joq pa - sony anyqtaý úshin búkil qan taldaýy júrgiziledi. Antiandrogendik preparatpen túzeý mekemelerin qalalyq emhana qamtamasyz etedi», - deidi QAJ departamenti sottalǵandardy meditsinalyq qamtamasyz etý tobynyń bas maman-dárigeri Erlan Ábdibai.
