QR Prezidentiniń Jarlyǵymen Berdibek Saparbaev Jambyl oblysynyń ákimi qyzmetine taǵaiyndaldy. Ol Qazaqstan Respýblikasy Premer-Ministriniń orynbasary qyzmetinen bosatyldy, dep habarlaidy "Ult aqparat" Aqordaǵa silteme jasap.
Berdibek Máshbekuly SAPARBAEV 1953 jyly 9 aqpanda Qyzylorda oblysy Jańaqorǵan aýdany Besaryq aýylynda dúniege keldi.
1977 jyly Almaty Halyq sharýashylyǵy institýtyn «Ekonomika jáne materialdyq-tehnikalyq jabdyqtaý» mamandyǵy boiynsha bitirdi. Ekonomika ǵylymdarynyń doktory, professor.
Eńbek jolyn Qyzylorda oblysynyń Zadarinskii sovhozynyń jumysshysynan bastady (1969-1971 jyldary); áskeri qyzmetin ótkerdi (1971-1973 jyldary). Institýtty bitirisimen Respýblikalyq memlekettik eńbek jinaqtaý kassalary (gostrýdsberkassy) basqarmasynda ekonomist (1977); QazKSR Qarjymininde ekonomist, aǵa ekonomist, jetekshi, bas ekonomist, bólim bastyǵynyń orynbasary (1977-1988 jyldary); josparlaý-qarjy basqarmasynyń bastyǵy, Bas ekonomika basqarmasynyń bastyǵy, Qazaqstan Respýblikasy Bilim ministriniń orynbasary (1988-1993 jyldary); Prezident Apparaty bólimi men Qazaqstan Respýblikasy Ministrleri kabineti meńgerýshisiniń orynbasary (1993); Qazaqstan Respýblikasy Ministrler kabinetiniń Ister basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jyldary) boldy.
Qazaqstan Respýblikasy Ministrler kabineti Apparatynyń basshysy (1995); Qyzylorda oblysynyń ákimi (1995-1999 jyldary); Ońtústik Qazaqstan oblysynyń ákimi (1999-2002 jyldary) qyzmetterin atqardy;
Qazaqstan Respýblikasy Kedendik baqylaý agenttiginiń tóraǵasy, Qazaqstan Respýblikasy Qarjy vitse-ministri - Kedendik baqylaý komitetiniń tóraǵasy (2002-2006); Premer-Ministr Keńsesi basshysynyń orynbasary - Qazaqstan Respýblikasy Parlamentindegi Úkimettiń Ókili (2006-2007); Qazaqstan Respýblikasynyń Ekonomika jáne biýdjettik josparlaý vitse-ministri (2007 jyly aqpan - 27 tamyz). 2007 jyldyń tamyzynan Qazaqstan Respýblikasynyń Eńbek jáne halyqty áleýmettik qorǵaý ministri. 2009-2014 jyldary - Shyǵys Qazaqstan oblysynyń ákimi. 2014-2015 jyldary – Qazaqstan Respýblikasy Premer-Ministriniń orynbasary.2015-2019 jyldary – Aqtóbe oblysynyń ákimi. 2019 jyldyń aqpan-tamyz ailarynda Qazaqstan Respýblikasynyń Eńbek jáne halyqty áleýmettik qorǵaý ministri boldy.
2019 jyldyń tamyz aiynan bastap QR Premer-Ministrdiń orynbasary qyzmetin atqardy.
«Qurmet» (1999), «Parasat» (2007) ordenderimen, «Astana» (1998), «Qazaqstan Respýblikasynyń táýelsizdigine 10 jyl» (2001), «Qazaqstan Respýblikasynyń Konstitýtsiiasyna 10 jyl» (2005) medaldarymen marapattalǵan.
