Ulttyq kompaniialardyń bir kózden satyp alý tásilin qysqartý jalǵasady. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Osy jyldan bastap «Samuryq-Qazyna» qoryn qosa alǵanda ulttyq kompaniialardyń satyp alýyn retteitin Zań qoldanysqa engizildi. Ulttyq kompaniialarda bir kózden satyp alýdyń 12 negizi, al qor boiynsha 10 negiz qysqartyldy. Ulttyq kompaniialardyń satyp alýlary tolyǵymen avtomattandyrylyp, memlekettik satyp alý tásilderine barynsha sáikestendirildi. Búkil protsess aiqyn jáne barlyǵyna qoljetimdi. Ulttyq kompaniialar men qordyń bir kózden satyp alý tásilin qysqartý boiynsha is-sharalar jalǵasatyn bolady», - dedi ministr.
Onyń atap ótýinshe, «Samuryq-Qazyna» qorynyń Satyp alý tártibin qaita qaraý boiynsha jumys júrgizilýde.
«Bul rette, holdingishilik kooperatsiia sheńberinde satyp alýdy alyp tastaý usynylýda. Sonymen qatar ashyqtyqty kúsheitý, bir kózden alý tásilimen satyp alýdy qysqartý, memlekettik satyp alý tásilderi men rásimderi men tártipti úilestirý, sondai-aq artyq silteme jasamai, olardyń bir qujatpen retteýdi belgileý turǵysynan tiisti usynystar berildi. Qor satyp alý portalynyń aqparattyq tolymdylyǵyn, sondai-aq onlain rejiminde shaǵym berý múmkindigin qamtamasyz etýi tiis. Qormen birlesken jumys jalǵastyrylýda», - dedi Erulan Jamaýbaev.
