Elimizde transferttik baǵa belgileý máseleleri boiynsha zań qabyldanady. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Shetelge zańsyz áketilgen qarajatty jáne onda satyp alynǵan aktivterdi qaitarý jónindegi usynystar boiynsha búgingi tańda salyqtyq ákimshilendirý maqsatynda aqparat almasý bóliginde halyqaralyq yntymaqtastyqta quqyqtyq baza daiyndaldy. Atap aitqanda, qarjylyq shottar boiynsha avtomatty túrde aqparat almasý týraly Kópjaqty kelisim aiasynda 62 iýrisdiktsiiadan aqparat alý rásimdeldi. Bul 2019 jyldan beri kezeńdi qamtidy», - dedi ministr.
Erulan Jamaýbaevtyń atap ótýinshe, AQSh Úkimetimen Halyqaralyq salyq tártibin jetildirý jónindegi kelisimniń ratifikatsiialanýy maquldandy. Onyń arqasynda eki el rezidentteriniń qarjylyq shottary týraly ózara aqparat almasýy júzege asyrylatyn bolady.
«Calyq tóleýden jaltarý jáne kapitaldy syrtqa shyǵarý bóliginde halyqaralyq sharttardyń erejelerin teris paidalanýdy boldyrmaý jónindegi kópjaqty konventsiia ratifikatsiialandy. Memleket basshysynyń tapsyrmalaryn eskere otyryp, barlyq múddeli memlekettik organdar basshylarynyń qatysýymen jumys toby quryldy. Kapitaldy elge qaitarý jáne shetelge, onyń ishinde offshorlyq iýrisdiktsiialarǵa qarajattyń ketýine qarsy baǵyttalǵan is-sharalardy kúsheitý jóninde naqty usynystar ázirlenetin bolady», - dedi ol.
Ministr munan bólek dividendterge salyq salý, materialdyq emes qyzmetter jáne baqylanatyn sheteldik kompaniialar boiynsha shegerimdi shekteý jóninde zańnamalyq túzetýler ázirlengenin aitty.
«Sondai-aq, Ekonomikalyq yntymaqtastyq jáne damý uiymy elderiniń úzdik tájiribelerin eskere otyryp, transferttik baǵa belgileý máseleleri boiynsha zań qabyldanady. Osy baǵyt boiynsha naqty usynystar eki ai ishinde Memleket basshysyna usynylady», - dedi Erulan Jamaýbaev.
