Foto: Tengrinews.kz
Premer-ministrdiń orynbasary – qarjy ministri Erulan Jamaýbaev shetelge shyǵarylǵan aktivterdi qaitarý jumysy qalai júrip jatqanyn aitty.
Májilis kýlýarynda jýrnalister ministrden shetelge ketken aktivterdi elge qaitarý jumysy nege ashyq emes ekenin surady.
"Bul aqparat ashyq. Bas prokýratýra aqparatty usynyp otyrady. Qatelespesem, búgingi kúnge deiin 670 milliard teńge elge qaitaryldy", - dedi Jamaýbaev.
Ol bas prokýratýranyń basshylyǵymen sheteldegi aktivterdi qaitarý boiynsha arnaiy komissiia jumys istep jatqanyn eske saldy.
"Tiisti zań jobasy ázirlenýde. Qazir zań jobasy biznes ókilderimen, Úkimetpen talqylanyp jatyr. Negizgi ázirleýshi – Ádilet ministrligi. Jaqyn arada bul zań jobasyn jalpy talqylaýǵa shyǵaramyz", - dep sendirdi vitse-premer.
Osy oraida BAQ ókilderi odan Qazaqstannan aktivterin zańsyz shyǵarǵanyn bai-baǵlandardyń aty-jónin ataýdy ótindi. Alaida ministr bul aqparattan beihabar ekenin aitty.
"Men bilmeimin, bilsem aitamyn ǵoi. Bul quqyq qorǵaý organdarynyń máselesi. Men olardyń jumysyna aralaspaimyn", - dedi Jamaýbaev.
