Almaty qalasyndaǵy №2 Medeý aýdandyq sotynda «Feniks» kinofilmin túsirýge bólingen qarjyny jymqyrý faktisi boiynsha «Sh. Aimanov atyndaǵy «Qazaqfilm» AQ-nyń laýazymdy tulǵalaryna jáne «T.K. Turan Universal Business» JShS-niń qyzmetkerlerine qatysty sot otyrysy jalǵasýda, dep habarlaidy Baq.kz tilshisi.
Sotta zardap shekken tarap – Mádeniet jáne sport ministrliginiń qyzmetkeri Serik Estiiarovtan jaýap alyndy. Ol taǵylǵan aiyptardy tolyǵymen qoldady. Aitarlyǵy, zardap shekken tarap jan-jaqty jáne obektivti tergeý nátijesinde aqsha jymqyrý faktileri tolyqtai rastalǵanyn atap aitty.
Tergeý barysynda «Qazaqfilm» AQ filmdi túsirýge aldyn ala daiyndyq jumystaryn júrgizýge «T.K. Turan Universal Business» JShS-ne 79 mln teńge aýdarǵany anyqtaldy. Sonyń ishinde 69 mln teńgeni atalǵan kompaniia arqyly kartinanyń bas direktory Tuńǵyshbai Jamanqulov jymqyrǵany dáleldendi. Naqtyraq aitqanda, urlanǵan qarajat qosalqy merdigerlik uiymdardyń kómegimen qolma-qol aqsha túrinde T. Jamanqulovqa jetkizilip otyrǵan.
Serik Estiiarovtyń aitýynsha, búginge deiin Tuńǵyshbai Jamanqulov 69 mln teńgeniń 5,3 mln. teńgesin memleket esebine qaitardy.
