© Photo: Brandi Day
Jalpyǵa birdei deklaratsiiany usynbaǵan jeke tulǵaǵa alǵashynda eskertý jasalynady. Taǵy zańbuzýshylyq anyqtalsa, 15 ailyq eseptik kórsetkish kóleminde, iaǵni 55 380 teńge aiyppul salynady, - dep habarlaidy KTK arnasy.
Biyl elimizde jalpyǵa birdei deklaratsiialaýdyń úshinshi kezeńi bastaldy.
Bul joly kásipkerler, jaýapkershiligi shekteýli seriktestik basshylary, zańdy tulǵalar men olardyń jubaiyna deklaratsiia tapsyrý mindetteledi. Olar eldegi jáne shet memlekettegi jyljymaityn múlkin jariia etýge tiis. 35 millionǵa jýyq qolma-qol aqsha men quny 3 millionnan asatyn qundy dúniesin de tirkeýi qajet.
Salyq mamany zergerlik buiymdar, asyl tuqymdy janýarlardyń da jalpyǵa birdei deklaratsiialaýǵa jatatynyn aitty. Deklaratsiiany e-salyqazamat, "salyq tóleýshi kabineti", "elektrondyq úkimet" mobildi qosymshalary arqyly tapsyrýǵa bolady. Jeke qaǵaz túrinde de, elektrondy túrde de 2024 jyldyń 15 qyrkúiegine deiin tapsyrýy qajet.
Aita keteiik, jalpyǵa birdei deklaratsiialaýdyń birinshi kezeńi 2021 jyly bastaldy. Ekinshi kezeńi 2023 jyly ótip, oǵan dárigerler, muǵalimder, mádeniet jáne sport salasynda jumys isteitin azamattar men men olardyń jubaiy kirdi. Endi 2025 jyly qalǵan sanattaǵy azamattar tapsyrady.
"Eger ýaqytynda deklaratsiiasyn kórsetpese, birinshisinde aiyppul tólenbeidi. Odan bosatylady. Biraq qaitalanǵan jaǵdaida 15 AEK kóleminde aiyppul salynady. Deklaratsiiany tapsyrý kezinde jeke kabineti bar salyq tóleýshiniń jáne de e-salyqazamat qosymshasy arqyly tapsyrýǵa bolady. Jáne de poshtamen nemese bizge kelse de bolady. Biz bárin egjei-tegjei túsindirýge daiynbyz", - deidi Bostandyq aýdany Memlekettik kirister basqarma basshysynyń orynbasary Aijan Albaeva.
