Jaqynda Qazaqstan Respýblikasy Energetika ministrligi Atomdyq jáne energetikalyq qadaǵalaý men baqylaý komiteti aýmaqtyq departamentteriniń qyzmetkerleri quqyq qorǵaý jáne basqa da múddeli memlekettik organdar ókilderiniń qatysýymen tsifrlyq maining obektilerin anyqtaý maqsatynda birlesken tekserýler júrgizdi, dep habarlaidy ministrliktiń baspasóz qyzmeti.
Mobildi toptar júrgizilgen tekserýler nátijesinde sońǵy 5 kúnde jalpy tutyný qýaty 202 MVt bolatyn 13 maining-fermany anyqtap, jumysyn toqtatty.
Tsifrlyq maining boiynsha qyzmetti júzege asyrý faktisi: Qaraǵandy oblysynda jalpy qýaty - 31,3 MVt., Pavlodar oblysynda - 22 MVt., Túrkistan oblysynda - 3,28 MVt, Aqmola oblysynda - 1,03 MVt., Qostanai oblysynda - 0,82 MVt, Nur-Sultan qalasynda - 1,8 MVt., Almaty qalasynda - 3,5 MVt., Shymkent qalasynda – 4 MVt.
Sondai-aq tsifrlyq mainingke ózdiginen shekteý engizilgen: Batys Qazaqstan oblysynda jalpy qýaty - 91 MVt, Qaraǵandy oblysynda - 44 MVt.
Maining fermalaryn anyqtaý jáne elektr jelilerinen ajyratý boiynsha mobildi toptyń jumysy jalǵasady, sondai-aq anyqtalǵan maining fermalary boiynsha ýákiletti organdar jedel tergeý is-sharalaryn júrgizýde.
