Qazaqstandyq erejesiz jekpe-jek sheberi Jalǵas Jumaǵulov (13-4) UFC-de ekinshi jekpe-jegin ótkizdi, dep habarlaidy QazAqparat Sports.kz saityna silteme jasap.
Ol Abý-Dabide (BAÁ) ótken UFC 257 týrnirinde judyryqtasty. «Jaýyngerler aralynda» qazaqstandyq sportshy shved Amir Albazige qarsy shyqty (13-1). Eń jeńil salmaqtaǵy kezdesý úsh raýndqa sozyldy jáne tóreshilerdiń biraýyzdan qabyldaǵan sheshimimen Albazidiń jeńisimen aiaqtaldy.
Osylaisha, Amir Albazi óz karersyndaǵy 14-shi, UFC-degi ekinshi jeńisine qol jetkizdi. Jalǵas Jumaǵulov bolsa, 5-shi ret jeńilis tapty.
Aita keteiik, 32 jastaǵy jekpe-jek sheberi UFC-ge alǵash ret ótken jyldyń maýsym aiynda shyqty. Ol tóreshilerdiń sheshimimen braziliialyq Raýlian Paivege (20-3) jeńildi, alaida bul sheshim kópshilik arasynda daý týdyrdy.
