Foto: ashyq derekkóz
Qarjylyq monitoring agenttigi prokýratýranyń úilestirýimen Atyraý oblysynda aýqymdy jedel-tergeý is-sharalaryn júrgizip, Biryńǵai jinaqtaýshy zeinetaqy qorynan qarajatty zańsyz sheshýge qatysy bar 5 qylmystyq toptyń áreketin anyqtady, dep habarlaidy Ult.kz.
Tergeý málimetinshe, uiymdastyrýshylar jalǵan qujattar rásimdeý arqyly Qazaqstannyń birneshe óńirinde – Atyraý, Astana, Almaty, Shymkent, Aqtaý jáne ózge qalalarda joq stomatologiialyq klinikalardy tirkegen. Bul «qaǵaz júzindegi» meditsinalyq uiymdardyń ǵimarattary da, jabdyqtary da, bilikti mamandary da bolmaǵan. Tipti olardyń basshylarynyń meditsinalyq bilimi joq bolyp shyqty.
Jalǵan qujat jasaý arqyly azamattarǵa zeinetaqy qorynan aqsha sheshýge «járdemdeskeni» úshin qylmystyq top ókilderi qarajattyń 10%-20%-yn syiaqy retinde ustap otyrǵan. Al qolma-qol aqshaǵa ainaldyrý úshin 226 dropperdi paidalanǵan. Nátijesinde ainalymnan 200 mlrd teńgeden astam qarjy shyǵarylǵan.
Tergeý barysynda kúdiktilerdiń zeinetaqy aqshasyna satyp alǵan 15 qymbat avtokólik (Mercedes-Benz G-class, BMW X7, Porsche Taycan, Cadillac Escalade jáne basqa da markalar) tárkilendi. Buǵan qosa zergerlik buiymdar, páterler, kommertsiialyq nysandar men jer telimderi anyqtaldy. Tárkilengen múliktiń jalpy quny 600 mln teńgeden asady.
Qazirgi ýaqytta 59 tintý júrgizildi, 10 adamǵa qatysty bultartpaý sharasy qoldanyldy. Qylmystyq jolmen tabylǵan ózge de múlikti izdestirý jumystary jalǵasyp jatyr.
Agenttik taratqan resmi aqparatta, tek zańsyz shemany uiymdastyrýshylar qylmystyq jaýapkershilikke tartylatyny, al óz zeinetaqy qarajatyn alǵan azamattarǵa aiyp taǵylmaityny atap ótildi.
