Myna sýrettiń avtory - Liý I atty kanadalyq qytai sýretshi. 2005 jyldyń 6 naýryzynda Niý Iorktegi bir kórmege qoiylǵan bul sýret biraz daý-damai jáne pikirtalas týdyrǵan eken. Sýrettiń aty - «Pekin 2008».
Bul sýret ne týraly?
Sýrette qytailardyń madjong oiynyn oinap otyrǵan qyzdar beinelengen hám onda tereń maǵyna bar.
Arqasynda tatý bar qyz — Qytai.
Ústinde kiimi bar, qolyn basynyń artyna ustap, oilanyp otyrǵan qyz — AQSh.
Jatqan qyz — Resei.
Oiynǵa berilip ketken jalańash qyz — Japoniia.
Al oiynshylarǵa qarap, qolyna jemis tabaǵyn ustaǵan qyz — Taivan.
Qytai qyz «shyǵys samaly» atty kombinatsiia shyǵarypty (3 birdei tas). Eki maǵynasy bar: Qytai ekonomikasy shyǵys samalyn jaqsy qoldanýda, sondai-aq ol qytailyq raketanyń da aty. Bylai qarasań kombinatsiia jaqsy siiaqty bolǵanymen, budan keiingi tastardyń qalai shyǵatyny belgisiz. Jáne qytai qyz basqalarǵa kórsetpei 2 tas urlap otyr. Bir oiy bar.
AQSh qyz bárin túsinip, qarap otyrǵan siiaqty, naqty josparlary bar. Jáne Taivan qyzǵa da qarap otyr, bir kózin qysyp bir nárse meńzep turǵan da siiaqty.
Resei esh qyzyǵýshylyqsyz jatqan siiaqty. Biraq negizinde olai emes, bir aiaǵy AQSh-tyń tizesin basyp jatyr, bir qolymen Qytaiǵa tas urlap berdi. Ortaq bir oilary bar.
Japon qyz oiynǵa berilgen, basqalarda sharýasy joq. Tek óz "qolyn" qaraýda.
Taivan qyzyl ulttyq kiim kigen. Múmkin ol qytai mádenietin jalǵastyrýshy bolǵandyǵynan ba eken? Bir qolynda jemis tabaǵy, bir qolynda pyshaq. Ol Qytaiǵa sýyq, jaman kózqaraspen qarap tur. Biraq oiynǵa qosyla almaidy, qolynan keletini jeńimpazǵa jemis tazartyp berý.
Terezeniń ar jaǵynda ózen jaǵasy jáne jaman aýa raiy tur. Úlken jel kóterilip, bir apat bolatyndai.
Bólmedegi portret te qyzyq. Sýn Iatsenniń murty, Chan Kaishi siiaqty jyltyr bas, bet-álpeti Mao Tszedýnge uqsaidy.
Qyzdardyń kiimderine keleiik.
Qytaidyń ústi jalańash, butynda ish kiim jáne iýbka.
AQSh halat jáne ishkóilek kigen, biraq belden tómen jalańash.
Resei tek lypamen qalǵan.
Japoniia tolyǵymen jalańash.
Bir qaraǵanda AQSh eń kúshtisi siiaqty bolyp kórinedi, kiimi de bar ústinde. Basqalary jalańash. Biraq AQSh-tyń tómengi jaǵy jalańash. Resei men Qytai jalańash bolyp kóringenmen, negizgi qupiia jerleri ázirshe jabyq.
Bul oiyndy "utylǵan sheshinedi" oiyny dep qaraityn bolsaq:
Osy raýndty Qytai utylsa Reseidiń jaǵdaiyna jetedi (KSRO qulaǵan kezdegidei).
Eger AQSh utylsa ol da Reseidiń jaǵdaiyna jaqyndaidy.
Resei utylsa eshteńesiz qalady.
Japoniiada eshteńe qalǵan da joq. Endi utylsa oiynnan shyǵady.
Qortyndylaiyq:
AQSh jaqsy qyz bolyp kóringisi keledi, biraq endi utylsa quridy. Barlyq jaqtan qaýip bar oǵan. Resei eki jaqpen de kelisip, oinap otyrǵandai. Eń zalym, eń qaýiptisi osy. Basqalarmen tas aýystyryp oinap otyr. Qytaida qandai tastar bar ekenin kóre almai otyrmyz. Qansha tasy bar ekeni de belgisiz. Ústel astynda Reseimen tas aýystyryp otyr. AQSh eshteńe kóre almai, Resei men Qytai ózara kelisip oinap otyrǵandaryn oilaǵannan basqa eshteńe istei almai otyr. Japoniia áli de oiynda, utylsa oiynnan amal joq shyǵady. Tek túsiniksizi Qytai ǵana. Ne oilap otyrǵanyn eshkim bilmeidi. Taivan bárin kórip, túsinip otyr. Biraq eshteńe istei almaidy. Oiynǵa qatysýǵa mártebesi jetpeidi áli.
Bul oiyndy Qytai nemese AQSh jeńetini anyq. Biraq AQSh-ta kúsh kóp bolǵanymen ol poker emes qytai oiyny madjongty oinap otyr jáne qytaidyń erejesimen…
Arshat Oraz, kerekinfo.kz
