Foto: sputnik.kz
Kólik ministri Marat Qarabaev premer-ministrden 500 sheteldik jumysshynyń kvotasyn rettep berýdi surady. Biraq olardyń jumysyn otandyq mamandar da istei alady, dep habarlaidy «Ult aqparat» Sputnik Qazaqstan -ke silteme jasap.
Ministrdiń aitýynsha, qazirgi kezde jol jóndeý salasynda maman tapshylyǵy bar. Atap aitqanda, avtogreider nemese asfalt tóseýshi tehnikany júrgizetin operatorlar qajet.
"Ondai operatorlar bolsa kez kelgen ýaqytta jumysqa alýǵa daiynbyz. Qai elde tiisti maman bar, sol elderden tartylady. Mysaly, operatorlar Qytai elinen, Armeniiadan nemese Túrkiiadan tartylýy múmkin", - dedi Qarabaev.
Alaida ondai mamandar óz elimizden tabylsa, jumysqa emin-erkin tura alady.
"Bar bolsa, sizder de jariialap, kómektesińizder. Barsyn, jalaqysy da jaqsy. Jumysqa qabyldaýǵa daiyn. Jalaqysy ár kompaniiada ártúrli. Mysaly, jaqsy bilikti operatorlar 400 myń teńgeden astam alady, keibireýleri 700 myń tkńgege deiin alady. Odan da kóp alatyndar bar", - dep atap kórsetti kólik ministri.
