فوتو: sputnik.kz
كٶلٸك مينيسترٸ مارات قاراباەۆ پرەمەر-مينيستردەن 500 شەتەلدٸك جۇمىسشىنىڭ كۆوتاسىن رەتتەپ بەرۋدٸ سۇرادى. بٸراق ولاردىڭ جۇمىسىن وتاندىق ماماندار دا ٸستەي الادى, دەپ حابارلايدى «ۇلت اقپارات» Sputnik قازاقستان -كە سٸلتەمە جاساپ.
مينيستردٸڭ ايتۋىنشا, قازٸرگٸ كەزدە جول جٶندەۋ سالاسىندا مامان تاپشىلىعى بار. اتاپ ايتقاندا, اۆتوگرەيدەر نەمەسە اسفالت تٶسەۋشٸ تەحنيكانى جٷرگٸزەتٸن وپەراتورلار قاجەت.
"ونداي وپەراتورلار بولسا كەز كەلگەن ۋاقىتتا جۇمىسقا الۋعا دايىنبىز. قاي ەلدە تيٸستٸ مامان بار, سول ەلدەردەن تارتىلادى. مىسالى, وپەراتورلار قىتاي ەلٸنەن, ارمەنييادان نەمەسە تٷركييادان تارتىلۋى مٷمكٸن", - دەدٸ قاراباەۆ.
الايدا ونداي ماماندار ٶز ەلٸمٸزدەن تابىلسا, جۇمىسقا ەمٸن-ەركٸن تۇرا الادى.
"بار بولسا, سٸزدەر دە جارييالاپ, كٶمەكتەسٸڭٸزدەر. بارسىن, جالاقىسى دا جاقسى. جۇمىسقا قابىلداۋعا دايىن. جالاقىسى ەر كومپانييادا ەرتٷرلٸ. مىسالى, جاقسى بٸلٸكتٸ وپەراتورلار 400 مىڭ تەڭگەدەن استام الادى, كەيبٸرەۋلەرٸ 700 مىڭ تكڭگەگە دەيٸن الادى. ودان دا كٶپ الاتىندار بار", - دەپ اتاپ كٶرسەتتٸ كٶلٸك مينيسترٸ.
