2019 jyly Qazaqstanda meditsina salasyndaǵy tabysy tómen qyzmetkerlerdiń ailyq jalaqysyn ósirýge 26 mlrd teńgege jýyq qarjy bólindi. Bul týraly «Áleýmettik meditsinalyq saqtandyrý qory» KEAQ basqarma tóraǵasynyń mindetin atqarýshy Botagóz Jaqselekova habarlady.
«Biyl aýrýlardy basqarý jáne patronaj baǵdarlamasyn engizilýine bailanysty ýchaskelik qyzmetkerlerdiń jalaqysyn ósirýge tuńǵysh ret qosymsha tólem tóleý qarastyrylyp otyr. Biýdjetten osy maqsattarǵa arnap 5,3 milliard teńge bólindi. Sonymen qatar, biylǵy biýdjetten tabysy tómen qyzmetkerlerdiń jalaqysyn ósirýge 25,9 milliard teńge qarastyrylǵan», - dedi ol mindetti áleýmettik meditsinalyq saqtandyrý júiesin engizý máseleleri jónindegi vedomstvo aralyq komissiia otyrysynda.
Aitýynsha, 2019 jyly meditsinalyq kómek túrlerin satyp alýǵa 972,7 mlrd teńge bólingen. Bul byltyrǵy kórsetkishten 5 paiyz artyq. Qor basshysy qyzmetterdi satyp alý josparymen bólise kele, artyq bólingen qarjynyń qaida jumsalatynyna da toqtalyp ótti.
«Qor satyp alynatyn emhanalyq-ambýlatorlyq kómek kólemin 13 mlrd teńgege arttyrmaq. Al, onkologiialyq aýrýlardy emdeýge bólinetin qarjy 8,8 mlrd teńgege jetkiziledi. Sondai-aq, biyldan bastap Densaýlyq saqtaý ministrligi Qazaqstanda emdelmeitin aýrýlardy shetelde emdeý men joǵary tehnologiialardyń kómegimen jasalatyn biregei otalardy ákimshilendirý fnktsiiasyn MSQ-na berip jatyr. Sonyń nátijesinde qarjylandyrý somasy 5,6 milliard teńgege artpaq», - dep qosty Botagóz Jaqselekova.
Botagóz Jaqselekovanyń sózine súiensek, bólingen qarajat azdap óskenine qaramastan, densaýlyq saqtaý júiesindegi qarjy tapshylyǵy máselesi joiylǵan joq. Sondyqtan Qor halyqqa úzdiksiz qyzmet kórsetilýin qamtamasyz etý maqsatynda qosymsha qarjy bólý máselesin kúntártibine shyǵarmaq.
