sýret ashyq derekkózden alyndy
Qarjy vitse-ministri Erjan Birjanov jyldyq tabysy tek jalaqydan ǵana turatyn qazaqstandyqtar deklaratsiia tapsyrýǵa mindetti me degen suraqqa jaýap berdi, dep habarlaidy Sputnik Qazaqstan.
Májilis depýtaty Tilektes Adambekovtiń aitýynsha, kóptegen azamattyń jyldyq tabysy negizinen jalaqy, zeinetaqy jáne áleýmettik tólemderden quralady.
"Osyny eskere otyryp, taza deklaratsiiany tapsyrýdyń nemese kirister bóliginde "nól" degen somany kórsetýdiń qajettiligi bar ma? Sizder mundai azamattardy deklaratsiiadan bosatasyzdar ma? Jalpyǵa birdei deklartsiianyń printsipi buzylmai ma?", - dep surady depýtat qarjy ministrliginiń ókilinen.
Vitse-ministr Erjan Birjanov tek jalaqy alatyn azamattar jalpyǵa birdei deklaratsiiany tapsyrýdan bosatylatynyn aitty.
"Sebebi jalpyǵa birdei deklaratsiialaýdyń eki kezeńi ishinde 99 paiyzy jalaqy ǵana alatynyn kórip otyrmyz. Biz olardyń derekterin jalaqy beretin mekemelerden kóre alamyz. Sondyqtan jeke azamattarǵa 270 forma boiynsha deklaratsiia tapsyryp kerek emes", - dedi ol májilis otyrysynda.
Biraq, aitýynsha, deklaratsiiaǵa kirý boiynsha kontseptsiia saqtalýy úshin bastapqyda 250-shi bap kórsetiledi.
"Soǵan bailanysty barlyq aktiv kórsetiledi. Al kelesi deklaratsiiada eger tek qana jalaqy bolsa, ony kórsetip kerek emes. Eger basqa kiris túrleri bolsa, ony kórsetý kózdeledi. Bul jalpyǵa birdei deklaratsiia protsesin jeńildetýge qolǵabys tigizedi dep oilaimyz", - dedi Birjanov.
Sondai-aq vitse-ministr jalpyǵa birdei deklaratsiiany tapsyrýdyń merzimin bir ýaqytqa aýystyrý kózdelip otyrǵanyn aitty.
"Sebebi qazir búkil deklaratsiia elektrondy túrde tapsyrylyp jatyr. Ol úshin barlyq jaǵdai jasalǵan. Sondyqtan biz tapsyrý merzimin 15 qyrkúiek dep bir merzimdi bekitýdi qoldaýdy suraimyz", - dedi ol.
