«Nur Otan» Almaty qalalyq filialynyń tóraǵasynyń birinshi orynbasary Stanislav Kankýrov Memleket basshysynyń jańa Joldaýy saiasattyń áleýmettik baǵytqa bet burǵanyn kórsetetindigin aitty, dep habarlaidy "Ult aqparat".
«Memleket basshysynyń Joldaýy qazirgi tańda júrgizilip otyrǵan saiasattyń áleýmettik salaǵa baǵyttalǵandyǵynyń taǵy bir dáleli bolsa kerek. Máselen, endi eń tómengi jalaqy mólsheri 1,5 ese artady. Bul joba bir million úsh júz myńnan astam qazaqstandyqty qamtidy. Eń aldymen, muǵalimder, dárigerler, jalpy orta taptyń jalaqysy kóteriledi. Menińshe, bul ekonomikaǵa úlken úles qosyp, mýltiplikativti nátije beredi. Óitkeni orta tap ókilderi qazaqstandyq taýarlardy tutynady. Al qarjy memleket ishinde ainalady», - deidi S. Kankýrov.
Sondai-aq, onyń aitýynsha, Memleket basshysy kúsheitýdi talap etetin birneshe salany atap ótti.
«Muǵalimderge airyqsha kóńil bólý mańyzdy. Óitkeni olar bizdiń azamattardy daiyndaidy. Tiisinshe, almatylyq muǵalimder uzaq kútken jeke mártebe berý máselesi sheshilmek. Qazir halyqtyń Joldaýǵa qatysty suraqtary tolassyz kelip jatyr», - dep túsindirdi ol.
Esterińizge sala keteiik, Nursultan Nazarbaev biylǵy Qazaqstan halqyna Joldaýynda eń tómengi jalaqy deńgeiin kóterýdi tapsyrdy.
.jpeg)