«نۇر وتان» الماتى قالالىق فيليالىنىڭ تٶراعاسىنىڭ بٸرٸنشٸ ورىنباسارى ستانيسلاۆ كانكۋروۆ مەملەكەت باسشىسىنىڭ جاڭا جولداۋى ساياساتتىڭ ەلەۋمەتتٸك باعىتقا بەت بۇرعانىن كٶرسەتەتٸندٸگٸن ايتتى, دەپ حابارلايدى "ۇلت اقپارات".
«مەملەكەت باسشىسىنىڭ جولداۋى قازٸرگٸ تاڭدا جٷرگٸزٸلٸپ وتىرعان ساياساتتىڭ ەلەۋمەتتٸك سالاعا باعىتتالعاندىعىنىڭ تاعى بٸر دەلەلٸ بولسا كەرەك. مەسەلەن, ەندٸ ەڭ تٶمەنگٸ جالاقى مٶلشەرٸ 1,5 ەسە ارتادى. بۇل جوبا بٸر ميلليون ٷش جٷز مىڭنان استام قازاقستاندىقتى قامتيدى. ەڭ الدىمەن, مۇعالٸمدەر, دەرٸگەرلەر, جالپى ورتا تاپتىڭ جالاقىسى كٶتەرٸلەدٸ. مەنٸڭشە, بۇل ەكونوميكاعا ٷلكەن ٷلەس قوسىپ, مۋلتيپليكاتيۆتٸ نەتيجە بەرەدٸ. ٶيتكەنٸ ورتا تاپ ٶكٸلدەرٸ قازاقستاندىق تاۋارلاردى تۇتىنادى. ال قارجى مەملەكەت ٸشٸندە اينالادى», - دەيدٸ س. كانكۋروۆ.
سونداي-اق, ونىڭ ايتۋىنشا, مەملەكەت باسشىسى كٷشەيتۋدٸ تالاپ ەتەتٸن بٸرنەشە سالانى اتاپ ٶتتٸ.
«مۇعالٸمدەرگە ايرىقشا كٶڭٸل بٶلۋ ماڭىزدى. ٶيتكەنٸ ولار بٸزدٸڭ ازاماتتاردى دايىندايدى. تيٸسٸنشە, الماتىلىق مۇعالٸمدەر ۇزاق كٷتكەن جەكە مەرتەبە بەرۋ مەسەلەسٸ شەشٸلمەك. قازٸر حالىقتىڭ جولداۋعا قاتىستى سۇراقتارى تولاسسىز كەلٸپ جاتىر», - دەپ تٷسٸندٸردٸ ول.
ەستەرٸڭٸزگە سالا كەتەيٸك, نۇرسۇلتان نازارباەۆ بيىلعى قازاقستان حالقىنا جولداۋىندا ەڭ تٶمەنگٸ جالاقى دەڭگەيٸن كٶتەرۋدٸ تاپسىردى.
.jpeg)