QR Qorǵanys ministrligi Qyzylorda oblysy aýmaǵynda qulaǵan MI-8 tikushaǵynyń ekipaj músheleriniń esimderin jariialady, dep habarlaidy "Ult aqparat".
Áskeri kólik Aqtaý garnizonynyń №30153 aviatsiialyq bólimshesine tiesili bolatyn.
Roman Kostygov - maior 26.04.1985
Timýr Qudaiberdiev - maior 17.09.1985
Aslan Aitbaev - leitenant 10.11.1994
Daniiar Qońyrbai - maior 10.11.1985
Sabyr Toqbaev - maior 15.12.1977
Syrym Másálim - kapitan 11.12. 1989
Qairat Nursapanov - 3-synypty serjant 08.10.1973
Murat Sháripov - aǵa serjant 04.01.1979
Ashat Abdýlmanat - kishi serjant 21.09.1982
Aidyn Ábdildinov - efreitor 11.12.1978
Qýanysh Sartyqbaev - efreitor 08.09.1986
Ómirhan Kaýkaev - efreitor 21.08.1990
Miras Jumataev - efreitor 10.02.1991
Jergilikti Lada.kz internet basylymynyń jazýynsha, tikushaq Aqtaýdan jergilikti ýaqyt boiynsha 09.03-te ushyp shyǵyp, Beineýge barǵan, sol jerden 12.36-da Krainii áýejaiyna attanady. Al 17.50-de MI-8 Shymkentke baǵyt alǵan, 18.30-da Jalaǵash eldi mekeninen soltústik-batysqa qarai on bes kilometr jerde tikushaqpen bailanys úzilgen.
20:00 kezinde oqiǵa ornyna tikushaq ushyp keldi, jaqyn jerdegi 56597 áskeri bólimsheden 30 adam attandy, dep habarlaidy basylym aviatsiialyq áskeri bólimshege silteme jasap.
Qorǵanys ministrligi habarlaǵandai, 27 naýryzda "Altyn jebe" atty arnaýly bólimderdiń oqý-jattyǵýy aiasynda Aqtaýdan Shymkentke attanǵan tikushaq Qyzylorda oblysynda kesh qurym, aýa raiy qolaisyz shaqta apatqa ushyrady.
Qaiǵyly oqiǵany tergeýdi Qorǵanys jáne Ishki ister ministrlikteri qolǵa aldy.
Qazaqstan Prezidenti Qasym-Jomart Toqaev qaza tapqandardyń otbasyna kóńil aitty.
