Qazaq sportynyń ardageri Jaqsylyq Úshkempirov Denis Tenniń qazasyna ortaqtasyp, kóńil aitty, dep habarlaidy QazAqparat tilshisi.
«Qurmetti qonaqtar! Sport ardageri retinde qatty tolqyp turmyn. Denis óz balamnan da jas, nemeremmen jasty edi. Qazaq elin dúniejúzine tanytqanyna qysqy Olimpiadada ózim Sochide kýəger bolǵanmyn. Sonda alǵan medalin birge súiip, qasynda boldym. Qazaqtyń mańdaiyna simai ketti. Júregimizge pyshaq salǵandai kúi keshtik. Ol Qazaqstannyń kim ekenin dúniege tanytty. Amal ne?! Onyń esemi óshpeidi, artynan jastar eretin bolady. «Men de Denis siiaqty bolamyn» deitin bolady. Men osyǵan senemin! Onyń kórmegen ǵumyryn artynda qalǵan jastarǵa bersin. Eli aman bolsyn!», - dedi Jaqsylyq Úshkempirov búgin Almatyda.
Búgin Almatyda qazaqstandyq mənerlep syrǵanaýshy, Olimpiada oiyndarynyń júldegeri Denis Tendi aqtyq saparǵa shyǵaryp salý rəsimi ótti.
Saǵat 11.20-da onyń denesin Balýan Sholaq atyndaǵy sport saraiynan alyp shyqty. Sportshyny Drýjba aýylynda jerleidi.
Eske sala ketsek, Qazaqstandyq mánerlep syrǵanaýshy Denis Ten 19 shilde kúni pyshaq jaraqatynan qaza bolǵan edi. Oqiǵa Qurmanǵazy Baiseiitova kósheleriniń qiylysynda 19 shildede túski saǵat 15:00 shamasynda bolǵan. Sportshy kóliginiń ainasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denis Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh litr qan joǵaltyp, aýrýhanaǵa óte aýyr jaǵdaida jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsinov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanimatsiialyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olimpiada júldegeri qaitys boldy.
Adam óltirý babymen qylmystyq is qozǵaldy.
