قازاق سپورتىنىڭ ارداگەرٸ جاقسىلىق ٷشكەمپٸروۆ دەنيس تەننٸڭ قازاسىنا ورتاقتاسىپ, كٶڭٸل ايتتى, دەپ حابارلايدى قازاقپارات تٸلشٸسٸ.
«قۇرمەتتٸ قوناقتار! سپورت ارداگەرٸ رەتٸندە قاتتى تولقىپ تۇرمىن. دەنيس ٶز بالامنان دا جاس, نەمەرەممەن جاستى ەدٸ. قازاق ەلٸن دٷنيەجٷزٸنە تانىتقانىنا قىسقى وليمپيادادا ٶزٸم سوچيدە كۋəگەر بولعانمىن. سوندا العان مەدالٸن بٸرگە سٷيٸپ, قاسىندا بولدىم. قازاقتىڭ ماڭدايىنا سيماي كەتتٸ. جٷرەگٸمٸزگە پىشاق سالعانداي كٷي كەشتٸك. ول قازاقستاننىڭ كٸم ەكەنٸن دٷنيەگە تانىتتى. امال نە?! ونىڭ ەسەمٸ ٶشپەيدٸ, ارتىنان جاستار ەرەتٸن بولادى. «مەن دە دەنيس سيياقتى بولامىن» دەيتٸن بولادى. مەن وسىعان سەنەمٸن! ونىڭ كٶرمەگەن عۇمىرىن ارتىندا قالعان جاستارعا بەرسٸن. ەلٸ امان بولسىن!», - دەدٸ جاقسىلىق ٷشكەمپٸروۆ بٷگٸن الماتىدا.
بٷگٸن الماتىدا قازاقستاندىق مəنەرلەپ سىرعاناۋشى, وليمپيادا ويىندارىنىڭ جٷلدەگەرٸ دەنيس تەندٸ اقتىق ساپارعا شىعارىپ سالۋ رəسٸمٸ ٶتتٸ.
ساعات 11.20-دا ونىڭ دەنەسٸن بالۋان شولاق اتىنداعى سپورت سارايىنان الىپ شىقتى. سپورتشىنى درۋجبا اۋىلىندا جەرلەيدٸ.
ەسكە سالا كەتسەك, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
