Ádilbek Jaqsybekov pen Qairat Sháripbaev «QazaqGaz» direktorlar keńesinen ketti, - dep habarlaidy "Ult aqparat" kompaniianyń resmi saityna silteme jasap.
"Samuryq-Qazyna" AQ basqarmasynyń 2022 jylǵy 18 aqpandaǵy sheshimine sáikes «QazaqGaz» UK» AQ direktorlar keńesiniń quramy ózgerdi. Osy sheshimge sáikes Ádilbek Jaqsybekov, Qairat Sháripbaev jáne Málik Sáýlebaidyń ókilettikteri merziminen buryn toqtatyldy", - delingen kompaniia habarlamasynda.
Ernat Berdiǵulov pen Nikolai Kazýtin kompaniianyń direktorlar keńesiniń múshesi boldy. Sondai-aq, «QazaqGaz» UK» AQ direktorlar keńesiniń jańa tóraǵasy bolyp Ernat Berdiǵulov sailandy.
"Engizilgen ózgeristerdi eskere otyryp, «QazaqGaz» UK» AQ Direktorlar keńesi tórt adamnan turady: E.K. Berdiǵulov, N.Iu. Kazýtin, A.A. Nurǵaziev, S.J. Jamanbalin" - delingen kompaniia málimetinde.
Aita keteiik, Ádilbek Jaqsybekov bul qyzmetke 2020 jyly qarashada taǵaiyndalǵan.
Ol ár jyldary Qazaq KSR-i Memlekettik kino jáne Memlekettik jabdyqtaý júielerinde jumys istedi, birqatar kásiporynǵa jetekshilik etti. 1988-1995 jyldary "Tsesna" kópsalalyq korporatsiiasynyń basshysy boldy. 1995 jyly Parlament Senatyna sailandy.
Aqmola oblysy ákiminiń orynbasary boldy. 1997-2003 jyldary Astana ákimi, 2003-2004 jyldary QR Indýstriia jáne saýda ministri qyzmetterin atqardy. Sodan keiin tórt jyl boiy QR Prezidenti Ákimshiligin basqardy. 2008 jyldyń qańtarynan qazanyna deiin "Nur Otan" HDP tóraǵasynyń birinshi orynbasary - QR Prezidentiniń keńesshisi boldy.
2008-2009 jyldary Qazaqstannyń Resei Federatsiiasyndaǵy tótenshe jáne ókiletti elshisi bolyp jumys istedi. 2009-2014 jyldary qorǵanys ministri qyzmetin atqardy. Osy jyldyń sáýir aiynda Memleket basshysynyń Jarlyǵymen QR memlekettik hatshysy bolyp taǵaiyndaldy.
2014 jylǵy 22 qazanda Nur-Sultan qalasynyń (burynǵy Astana) ákimi bolyp taǵaiyndaldy.
2016-2018 jyldar aralyǵynda QR Prezidenti Ákimshiliginiń basshysy boldy.
