Búgin Shyǵys Qazaqstan oblysynyń ákimi Danial Ahmetov Glýbokoe aýdanyndaǵy Progress aýylynda tasqynnan zardap shekken turǵyndarmen kezdesti. Tasqynnan baspanasy jaramsyz bolǵan turǵyndarǵa úi satyp alý úshin 60 mln teńge bólinetin boldy, dep habarlaidy "Ult aqparat".
Kezdesý barysynda Danial Ahmetov eldiń talap-tilekterin tyńdap, apattyń zardabyn joiý boiynsha atqarylatyn jumystarmen tanysty. Aýdanda áli de bolsa tabiǵi sipattaǵy tótenshe jaǵdai saqtalýda.
Sońǵy derek boiynsha Progress, Beloýsovka, Predgornoe jáne Glýbokoe kentindegi 176 úige arnasynan asqan ózen sýy kirip ketken.
«Zardap shekken azamattar úshin mektepterde ýaqytsha turatyn oryn uiymdastyryldy. Eki kúnniń ishinde jaǵdaidy baǵalap, jumys isteimiz. Kimde-kimniń úii qirap, múldem iske jaramsyz bolsa, úi satyp alyp beremiz. Ol úshin aýdanǵa 60 million teńge bólindi. Barlyq shyǵyndaryńyz eseptelip, orny óteledi. Biraq, jaǵdaidy paidalanyp, úilerin óz qolymen qiratý degen bolmasyn, - dedi Danial Ahmetov.
Aita ketý kerek, turǵyndardyń kiim-keshek, azyq-túlik siiaqty turmystyq qajettilikteri úshin keshe 10 mln teńge joldanǵan bolatyn.
