Astanada zeinetker joǵaltyp alǵan 6 million teńgesin taýyp aldy, dep habarlaidy QazAqparat tilshisi.
Qalalyq IID-nen habarlanǵandai, «Baiqońyr» aýdanynyń turǵyny, 70 jastaǵy zeinetker áje taksi qyzmetindegi avtokólikke iri somadaǵy aqshasyn umytyp ketkenin habarlaǵan.
«Zeinetkerdiń aitýynsha, qaladaǵy bankterdiń birinen ol iri somadaǵy qarajatyn sheship alyp, kóshege shyǵyp, aq tústi taksige otyrǵan. Jetetin jerine jetip alǵannan keiin álgi zeinetker taksidiń artqy oryndyǵyna aqsha toly paketin umytyp, kólikten túsip ketken. Osydan keiin zeinetker politsiiaǵa habar bergen», - delingen habarlamada.
Qalalyq tártip saqshylary videobaqylaý arqyly aq tústi «Honda» markaly kóliktiń álgi áieldi jetkizip tastaǵanyn anyqtaidy. Osylaisha, taksi júrgizýshisi politsiiaǵa jetkizilip, onyń kóliginiń artqy oryndyǵynan aqsha toly paket jatqany anyqtalǵan.
Aqshasyn qaita tapqan zeinetker politseilerge alǵys aitty.
