استانادا زەينەتكەر جوعالتىپ العان 6 ميلليون تەڭگەسٸن تاۋىپ الدى, دەپ حابارلايدى قازاقپارات تٸلشٸسٸ.
قالالىق ٸٸد-نەن حابارلانعانداي, «بايقوڭىر» اۋدانىنىڭ تۇرعىنى, 70 جاستاعى زەينەتكەر ەجە تاكسي قىزمەتٸندەگٸ اۆتوكٶلٸككە ٸرٸ سوماداعى اقشاسىن ۇمىتىپ كەتكەنٸن حابارلاعان.
«زەينەتكەردٸڭ ايتۋىنشا, قالاداعى بانكتەردٸڭ بٸرٸنەن ول ٸرٸ سوماداعى قاراجاتىن شەشٸپ الىپ, كٶشەگە شىعىپ, اق تٷستٸ تاكسيگە وتىرعان. جەتەتٸن جەرٸنە جەتٸپ العاننان كەيٸن ەلگٸ زەينەتكەر تاكسيدٸڭ ارتقى ورىندىعىنا اقشا تولى پاكەتٸن ۇمىتىپ, كٶلٸكتەن تٷسٸپ كەتكەن. وسىدان كەيٸن زەينەتكەر پوليتسيياعا حابار بەرگەن», - دەلٸنگەن حابارلامادا.
قالالىق تەرتٸپ ساقشىلارى ۆيدەوباقىلاۋ ارقىلى اق تٷستٸ «حوندا» ماركالى كٶلٸكتٸڭ ەلگٸ ەيەلدٸ جەتكٸزٸپ تاستاعانىن انىقتايدى. وسىلايشا, تاكسي جٷرگٸزۋشٸسٸ پوليتسيياعا جەتكٸزٸلٸپ, ونىڭ كٶلٸگٸنٸڭ ارتقى ورىندىعىنان اقشا تولى پاكەت جاتقانى انىقتالعان.
اقشاسىن قايتا تاپقان زەينەتكەر پوليتسەيلەرگە العىس ايتتى.
