Foto: Centr-sdel.ru
Qazaqstandyqtar zeinetaqy jinaqtaryn burynǵydai turǵyn úi jaǵdaiyn jaqsartýǵa paidalana alady, dep habarlaidy Ult.kz.
«Otbasy bank» málimetinshe, zeinetaqy tólemderimen alynǵan páterlerdiń keibiri qysqa ýaqyt ishinde birneshe ret qaita satylǵan. Ár satyp alýshy turǵyn úidi alý úshin óziniń zeinetaqy jinaǵyn paidalanǵan. Bul jaǵdai naryqtaǵy baǵa men qarajattyń maqsatsyz jumsalý qaýpin arttyrǵan.
Osyǵan bailanysty bank zeinetaqy qarajatyna alynǵan baspanany tek bes jyldan keiin satý jóninde shekteý engizýdi usynǵan. Alaida bul usynys qoldaý tappady.
Sebebi qoldanystaǵy zańnamaǵa sáikes, mundai múlik shekteý qoiylatyn sanatqa kirmeidi, sondyqtan azamattar óz baspanasyn qalaǵan ýaqytta sata alady.
Buǵan deiin Qazaqstanda zeinetaqy jinaǵyn paidalanyp satyp alynǵan baspanany satýǵa shekteý qoiylýy múmkin degen habarlama taraǵan.
