Foto: ashyq derekkóz
Qarjylyq monitoring agenttigi «Biryńǵai jinaqtaýshy zeinetaqy qory» AQ-dan azamattardyń zeinetaqy jinaqtaryn zańsyz shyǵarý derekteri boiynsha tergep-tekserýdi jalǵastyryp jatyr, dep habarlaidy Ult.kz.
Agenttik málimetinshe, zeinetaqy jinaqtary stomatologiialyq qyzmetter kórsetý týraly formaldy sharttar jasasý jáne keiinnen jalǵan meditsinalyq qujattar usyný arqyly qolma-qol aqshaǵa ainaldyrylǵan. Atalǵan «qyzmet» úshin kúdiktiler alynǵan qarajattyń 10–20 paiyzy kóleminde zańsyz syiaqy ustap otyrǵan.
Qylmystyq shemaǵa elimiz boiynsha 42 stomatologiialyq klinika tartylǵan. Zańsyz shyǵarylǵan qarajattyń jalpy somasy 200 mlrd teńgeden asady.
Tergeý barysynda qylmystyq jolmen alynǵan tabystarǵa kúdiktilerdiń elitalyq jyljymaly jáne jyljymaityn múlik satyp alǵany, sondai-aq tabysty jasyrý maqsatynda úshinshi tulǵalardyń atyna rásimdep, jańa stomatologiialyq klinikalar ashqany anyqtaldy.
Qazirgi tańda 11 kúdikti eki ai merzimge qamaýǵa alynsa, taǵy úsheýine qatysty úiqamaq túrindegi bultartpaý sharasy tańdalǵan.
Sonymen qatar, júieli túrde zańsyz syiaqy alý úshin meditsinalyq mekemelerdiń keibir dárigerleri dárigerlik-konsýltatsiialyq komissiialardyń (DKK) jalǵan qorytyndylaryn bergen. Bul epizodtar boiynsha alynǵan qarajattyń jalpy somasy 30 mln teńgeni qurady.
Atalǵan faktiler boiynsha birqatar sotqa deiingi tergep-tekserý amaldary bastaldy.
Aita keteiik, buǵan deiin habarlanǵandai, óz zeinetaqy jinaqtaryn alǵan azamattar qylmystyq qýdalaýǵa tartylmaidy.
