Biryńǵai jinaqtaýshy zeinetaqy qory 2023 jylǵa arnalǵan zeinetaqy jinaqtaryn paidalanýdyń shekti mánin jariialady, - dep habarlaidy "Ult aqparat" BJZQ baspasóz qyzmetine silteme jasap.
Qazaqstanda jetkiliktiliktiń jańa shegi 2023 jyldyń 1 qańtarynan bastap kúshine enedi. 2023 jylǵa belgilengen shek jas mólsherine bailanysty 3-ten 10 million teńgege deiingi somany quraidy.
"Keibir shekti mánderdiń ózgerýi olardy esepteý kezinde jyl saiyn indeksteletin eń tómengi jalaqy, eń tómengi zeinetaqy, eń tómengi kúnkóris deńgeii siiaqty áleýmettik kórsetkishterdiń eskerilýimen túsindiriledi.
2023 jylǵa eń tómengi jalaqy 70 myń teńgeni, eń tómengi zeinetaqy 53 076 teńgeni, memlekettik bazalyq zeinetaqy tóleminiń eń tómengi mólsheri 24 341 teńgeni, eń tómengi kúnkóris deńgeii 40 567 teńgeni quraidy dep kózdelgen. Shekti mánderdi esepteý kezinde eskeriletin basqa da áleýmettik mańyzdy kórsetkishterdiń de mólsheri kóterildi", - delingen BJZQ habarlamasynda.
