Biryńǵai jinaqtaýshy zeinetaqy qorynan basqarýshy qorǵa berilgen qarajattan tabys salyǵy alyna ma? Bul saýalǵa QR Qarjy naryǵyn retteý jáne damytý agenttigi Qundy qaǵazdar naryǵy departamentiniń direktory Edil Medeý jaýap berdi, dep habarlaidy QazAqparat.
«Salymshylardyń zeinetaqy jinaqtarynyń bir bóligin basqarýshy kompaniianyń jeke basqarýyna aýdarýy birrettik zeinetaqy tólemin alýǵa jatpaidy. Óitkeni, jeke basqarýǵa berýge bolatyn zeinetaqy jinaǵy Biryǵai jinaqtaýshy zeinetaqy qory júiesinde qalady. Osylaisha, jeke basqarýǵa berilgen zeinetaqy aktivinen jeke basqarýǵa berilgen sátte tabys salyǵy alynbaidy», - dep túsindiredi Edil Medeý.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
