Búgin saǵat 9:00-den bastap arnaiy portalda zeinetaqynyń bir bóligin alýǵa ótinim qabyldaý bastalǵaly 10 500-den astam adam ótinish berdi. Bul týraly «Otbasy bank» AQ baspasóz qyzmetinen málim boldy, dep habarlaidy "Ult aqparat".
«Atap aitqanda, enpf-otbasy.kz arnaiy saity arqyly saǵat 17:00-ge qarai 10 779 ótinim qabyldandy», - dedi baspasóz qyzmetiniń ókili QazAqparat saýalyna jaýap bere otyryp.
Belgili bolǵandai, zeinetaqynyń bir bóligin aýdarýǵa arnalǵan 67 myńnan sál astam arnaiy shot ashyldy.
Budan buryn habarlanǵandai, zeinetaqynyń bir bóligin alýǵa ótinim qabyldaityn sait iske qosyldy. Osy arqyly el aýmaǵynda ótinim qabyldaý bastaldy.
