بٷگٸن ساعات 9:00-دەن باستاپ ارنايى پورتالدا زەينەتاقىنىڭ بٸر بٶلٸگٸن الۋعا ٶتٸنٸم قابىلداۋ باستالعالى 10 500-دەن استام ادام ٶتٸنٸش بەردٸ. بۇل تۋرالى «وتباسى بانك» اق باسپاسٶز قىزمەتٸنەن مەلٸم بولدى, دەپ حابارلايدى "ۇلت اقپارات".
«اتاپ ايتقاندا, enpf-otbasy.kz ارنايى سايتى ارقىلى ساعات 17:00-گە قاراي 10 779 ٶتٸنٸم قابىلداندى», - دەدٸ باسپاسٶز قىزمەتٸنٸڭ ٶكٸلٸ قازاقپارات ساۋالىنا جاۋاپ بەرە وتىرىپ.
بەلگٸلٸ بولعانداي, زەينەتاقىنىڭ بٸر بٶلٸگٸن اۋدارۋعا ارنالعان 67 مىڭنان سەل استام ارنايى شوت اشىلدى.
بۇدان بۇرىن حابارلانعانداي, زەينەتاقىنىڭ بٸر بٶلٸگٸن الۋعا ٶتٸنٸم قابىلدايتىن سايت ٸسكە قوسىلدى. وسى ارقىلى ەل اۋماعىندا ٶتٸنٸم قابىلداۋ باستالدى.
