Búgin arnaiy portalda zeinetaqynyń bir bóligin alýǵa ótinim qabyldaý bastalǵaly 4 myńnan astam adam ótinish berdi. Bul týraly «Otbasy bank» AQ baspasóz qyzmetinen málim boldy, dep habarlaidy "Ult aqparat".
«Búgin saǵat 09:00-den bastap enpf-otbasy.kz arnaiy saity iske qosyldy. Sodan bergi úsh saǵat ishinde 4 509 ótinim qabyldandy. Qazirgi kezde ótinim qabyldaityn sait qalypty rejimde jumys istep tur», - dedi baspasóz qyzmetiniń ókili.
Bank málimetinshe, zeinetaqynyń bir bóligin aýdarýǵa arnalǵan 65 myńǵa tarta arnaiy shot ashyldy.
Budan buryn habarlanǵandai, zeinetaqynyń bir bóligin alýǵa ótinim qabyldaityn sait iske qosyldy. Osy arqyly el aýmaǵynda ótinim qabyldaý bastaldy.
