Zeinetaqynyń bir bóligin alý protsesine qatysty barlyq operatsiiadan komissiia alynbaidy. Bul týraly «Otbasy bank» AQ basqarma tóraǵasy Lázzat Ibragimova tolyǵyraq aityp berdi, dep habarlaidy «Ult aqparat».
«Buǵan deiin de biz bul másele boiynsha ustanymymyzdy bildirgenbiz. Baǵdarlama qoǵamda qyzý talqylanǵany málim. Bul rette arnaiy shot ashý úshin, arnaiy shottan aýdarym jasalǵan jaǵdaida da, tipti sizdiń aqshańyz 45 kún arnaiy shotqa aýdarylyp, Biryńǵai zeinetaqy jinaǵyna qaitarylsa da, komissiia alynbaidy. Iaǵni BJZQ-ǵa qaitarylatyn soma bir teńgesi ustalmai qaita aýdarylady», - dedi Lázzat Ibragimova Ortalyq kommýnikatsiialar qyzmetiniń alańynda ótken baspasóz máslihatynda.
