Biryńǵai jinaqtaýshy zeinetaqy qory úsh kúnde tólemderdi júzege asyrý úshin jalpy somasy 151 mlrd teńgege jýyq 27 240 ótinimdi óńdeýge qabyldady, dep habarlaidy qordyń baspasóz qyzmeti.
«27 qańtarda zeinetaqy qoryna Otbasy bankinen jalpy somasy 156,2 mlrd teńgege 9 566 ótinim tústi. Kelip túsken ótinimderdiń barlyǵyn BJZQ kúnbe-kún qaraidy. Jalpy somasy 38,6 mlrd teńgeden asatyn 6 988 (73%) ótinim óńdeýge qabyldandy. Bul soma ótinimder kelip túsken kúnnen bastap 5 jumys kúni ishinde Otbasy bankisindegi salymshylardyń arnaiy shottaryna aýdarylady. Aýdarymnyń ortasha somasy 5,5 mln teńge», delingen habarlamada.
Zańnama talaptaryna sáikes kelmeitin 2 578 ótinim (27%) qabyldanbaǵan.
Qordyń málimdeýinshe, ótinimdi qabyldamaýdyń negizgi sebepteri: ótinish berýshiniń alýǵa qoljetimdi zeinetaqy jinaǵy joq (qabyldanbaǵan ótinimderdiń 42%-y), suralyp otyrǵan soma zeinetaqy jinaǵynan alýǵa bolatyn somadan asyp túsedi (38,2%), buryn berilgen ótinim boiynsha qaita berilgen suranystar (19,4%), ótinish berýshiniń BJZQ-da zeinetaqy jinaǵy múlde joq (0,4%).
«Qorǵa ýákiletti operatordan 25-27 qańtarda kelip túsken ótinimder úsh jumys kúniniń qorytyndysy boiynsha sol kúni-aq kidirissiz qaraldy. Keiinnen tólemderdi júzege asyrý úshin jalpy somasy 151 mlrd teńgege jýyq 27 240 ótinim boiynsha jumys júrgizilip jatyr. Ótinimniń ortasha somasy shamamen 5,5 mln teńge», delingen habarlamada.
