QR Eńbek jáne halyqty áleýmettik qorǵaý ministri Birjan Nurymbetov elimizde qatań karantin engizilse, eńbek naryǵyndaǵy jaǵdai qandai bolatynyn sipattap berdi, dep habarlaidy QazAqparat.
«Maqsattarǵa toqtalatyn bolsaq, turǵyn úi máselesin sheshý eskerilgen. Bul jerde arnaiy ereje bekitiledi, tiisti jumystar atqarylýda. Osy turǵyda negizgi parametrler tek baspana satyp alýmen shektelmegen, iaǵni jalpy turyǵyn úi jaǵdaiyn jaqsartýǵa baǵyttalǵan. Ol qarajatqa turǵyn úidi nemese jer telimin satyp alýǵa bolady. Osy oraida tek jańa baspana degen uǵym joq, qaitalama naryqtan da úi satyp alý múmkindigi bar. Ipoteka alýǵa alǵashqy jarna retinde paidalanýǵa, ipotekany jabýǵa nemese qaita qarjylandyrý maqsatyna baǵyttaýǵa bolady», - dedi ministr Ortalyq kommýnikatsiialar qyzmetinde.
Onyń sózine qaraǵanda, bul turǵyda ipoteka qai bankten alynǵanyna nemese qandai baǵdarlamamen rásimdelgenine eshqandai shekteý qoiylmaidy.
«Baspana kólemin keńeitýge paidalanýǵa bolady. Bul múmkindikti tek ózine emes, sonymen qatar jaqyn týystaryna da taralady dep josparladyq. Jaqyn týystaryna ata-anasy, balalary, baýyrlary ata-ájesi, nemereleri kiredi. Qarajattyń maqsatty paidalanylýy úshin biryńǵai operator bolady, sol operator azamattyń tapsyrysy boiynsha jinaqtaýshy qorymen bailanysyp, sol jerdegi tiisti qarajatyńyzdy baspana, jer telimin satyp jatqan adamǵa nemese ipoteka rásimdelgen bankterge aýdarady», - dep naqtylady ministr.
Aita keteiik, zeinetaqy qarajatynyń bir bóligin paidalaný quqyǵy 2021 jyldan bastap beriletin bolady. Zeinetaqy jinaqtarynyń bir bóligi turǵyn úi jaǵdaiyn jaqsartý, emdelý nemese qarjy kompaniialaryna basqarýǵa berý úshin alynýy múmkin. Eger maqsatty paidalanýǵa qajet bolsa, otbasy músheleriniń qarajatyn biriktirýge bolady.
