Zeinetaqy tólemderine baspana satyp alǵanda satýshyǵa kepilpuldy aqsha arnaiy shotqa túskende ǵana berý kerek. Bul týraly Otbasy bankinen málim etti, dep habarlaidy "Ult aqparat".
Birjolǵy zeinetaqy tólemderin paidalana otyryp, ipotekasyz tolyq satyp alý maqsatyn tańdaityn bolsańyz, satyp alý-satý shartyn rásimdeý merzimine nazar aýdarýyńyzdy suraimyz. Satýshyǵa kepilpuldy (alǵashqy tólem/páter qunynyń bir bóligi) bir jolǵy zeinetaqy tólemderi arnaiy shotyńyzǵa túskennen keiin ǵana berýge keńes beremiz. Satyp alý-satý shartyn rásimdeý kúni notariýsqa Arnaiy shottyńyzdyń úzindi kóshirmesin kórsetińiz. Kúni men ýaqyty kórsetilgen úzindi kóshirmeni JSSB 24 mobildi qosymshasynan júktep alýǵa bolady», - delingen qarjy institýtynyń Instagram paraqshasynda jariialanǵan aqparatta.
Bank málimetine sáikes, zeinetaqy tólemderin paidalana otyryp satyp alý-satý sharttaryn rásimdegen kezde Qazaqstan notariýstary somanyń ekinshi bóligi BJZQ-nan arnaiy shotqa qarajat túskennen keiin ǵana satýshynyń jeke shotyna túsetinin kórsetedi.
«Osyǵan bailanysty, sizderdiń arnaiy shottaryńyzǵa aqsha túskennen keiin ǵana satýshymen mámile shartyna qol qoiýǵa usynamyz. BJZQ-nan sizdiń shotyńyzǵa qarajat túskennen keiin, baspana izdeýge, satyp alý-satý shartyn jasaýǵa jáne ony www.enpf-otbasy.kz platformasyna skanerlengen túrin salý úshin, jáne satýshynyń satyp alý-satý shartynda kórsetilgen derektemeri boiynsha qarajat aýdarýǵa 45 jumys kúni beriledi. Otbasy banki – maqsatty qoldanylýy boiynsha tapsyrylǵan qujattardy 10 jumys kúni ishinde tekserip, birjolǵy zeinetaqy tólemderin maqsaty boiynsha aýdarady. Baspanany «Ipotekasyz tolyq satyp alý» maqsatyn tańdaǵan kezde «5 jyl ielikten shyǵarýǵa shekteý» qoldanylmaidy. Iaǵni bolashaqta siz satyp alynǵan turǵyn úidi shekteýsiz basqara alasyz. Birjolǵy zeinetaqy tólemderin paidalaný boiynsha barlyq sharalar tek qolma-qol aqshasyz júzege asyrylady», - dedi Otbasy bankinen.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
