Biryńǵai jinaqtaýshy zeinetaqy qorynan birretik tólem ala alatyn turǵyndardyń basym kópshiligi Nur-Sultan, Almaty qalalarynda jáne Qaraǵandy oblysynda turady, dep habarlaidy «Ult aqparat».
«Biryńǵai jinaqtaýshy zeinetaqy qory» AQ 2021 jyldyń 1 qańtaryndaǵy málimetine sáikes, jalpy sany 762 myń qazaqstandyq zeinetaqy jinaqtarynyń bir bóligin ala alady. Olarǵa jalpy kólemi 2,4 trln teńge tólenýi tiis.
Olardyń arasynda Almaty (70 700), Nur-Sultan (94 700), Qaraǵandy oblysy (77 500), Mańǵystaý (64 300), Atyraý (58 300), ShQO (49 400), Aqtóbe (42 400), Pavlodar (38 600), Shymkent (29 800) kósh bastap tur. Qalǵan óńirler boiynsha, Qostanaida – 26 400 salymshy, BQO – 25 400, Almaty oblysynda – 20 900, Qyzylordada – 17 400, Aqmolada – 17 040, Jambylda – 15 900, SQO – 11 800 jáne Túrkistan oblysynda 1 200 adam zeinetaqy jinaǵynyń artylǵan somasyn ala alady.
Tólem somasy jaǵynan da Almaty qalasy (656,2 mlrd teńge), Mańǵystaý (382,1 mlrd teńge) jáne Nur-Sultan (326, 97 mlrd teńge) alda tur. Odan keiin Atyraý (252,3 mlrd teńge), Qaraǵandy oblysy (182,9 mlrd teńge), BQO (102,4 mlrd teńge), Aqtóbe (101,2 mlrd teńge), ShQO (97,5 mlrd teńge), Pavlodar (74,01 mlrd teńge), Shymkent (61,5 mlrd teńge), Qostanai oblysy (47,5 mlrd teńge), Qyzylorda (41,3 mlrd teńge) jaiǵasqan. Sońǵy oryndarda Almaty oblysy (38,4 mlrd teńge), Aqmola (29,3 mlrd teńge), Jambyl (28,6 mlrd teńge), SQO (20,1 mlrd teńge) jáne Túrkistan (2,5 mlrd teńge) ornalasqan.
Sonymen birge, «BJZQ» AQ 10 million teńgeden asatyn jinaq qory bar salymshylardyń statistikasyn keltirdi. Respýblika boiynsha 54 myń qazaqstandyq 10 million teńgeden asatyn qarajatty maqsatty qajettilikterine ala alady. Mundai salymshylar Almaty qalasy (15 900 adam), Mańǵystaý oblysy (13 700) jáne Nur-Sultanda (7 400) kóp tirkelgen. Sonymen birge, óńirler arasynda olar Atyraý oblysy (7 000), BQO (2 800), Qaraǵandy (1 600), Aqtóbe (1 500), ShQO (842), Shymkent (690), Pavlodar (606), Qyzylorda (528), Almaty (450), Qostanai (420), Jambyl (309), Aqmola (267), SQO (134), Túrkistan (20) oblystarynda turady.
