Biryńǵai jinaqtaýshy zeinetaqy qorynan alynǵan qarajat arnaýly esepshotta saqtalady. Bul týraly «Otbasy banki» basqarma tóraǵasy Lázzat Ibragimova Facebook-de ótken tikelei efir barysynda aitty, dep habarlaidy QazAqparat.
«Arnaýly esepshotty tek qana onlain ashýǵa bolady. Eń durysy ony siz bizdiń portalda ótinim beretin kezde ashqanyńyz jón. Eger siz zeinetaqy jinaǵyn paidalaný tetigine qatyspaityn bolsańyz, onda arnaýly esepshot ashýdyń qajeti joq. Sondyqtan asyqpańyzdar. Bir rettik zeinetaqy tólemge arnalǵan arnaýly aǵymdyq esepshot barlyq jaǵynan qorǵalǵan. Tipti bir jerden qaryz aqsha alýyńyzǵa bailanysty qandaida bir kreditor, úshinshi tulǵa sot sheshimimen sizdiń ekinshi deńgeidegi banktegi kez kelgen esepshotyńyzdy buǵattasa da bul esepshotty esh buǵattai almaidy. Al eger osy ýaqytta siz basqa jaqqa ketip qalyp, qarajatyńyzdy paidalana almasańyz, onda 45 kúnnen keiin ony biz qarajatty sizdiń Biryńǵai jinaqtaýshy zeinetaqy qoryńyzdaǵy esepshotyńyzǵa qaitaramyz», - dedi Lázzat Ibragimova.
Eske salsaq, 2 qańtarda QR Prezidenti zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy.
