بٸرىڭعاي جيناقتاۋشى زەينەتاقى قورىنان الىنعان قاراجات ارناۋلى ەسەپشوتتا ساقتالادى. بۇل تۋرالى «وتباسى بانكٸ» باسقارما تٶراعاسى لەززات يبراگيموۆا Facebook-دە ٶتكەن تٸكەلەي ەفير بارىسىندا ايتتى, دەپ حابارلايدى قازاقپارات.
«ارناۋلى ەسەپشوتتى تەك قانا ونلاين اشۋعا بولادى. ەڭ دۇرىسى ونى سٸز بٸزدٸڭ پورتالدا ٶتٸنٸم بەرەتٸن كەزدە اشقانىڭىز جٶن. ەگەر سٸز زەينەتاقى جيناعىن پايدالانۋ تەتٸگٸنە قاتىسپايتىن بولساڭىز, وندا ارناۋلى ەسەپشوت اشۋدىڭ قاجەتٸ جوق. سوندىقتان اسىقپاڭىزدار. بٸر رەتتٸك زەينەتاقى تٶلەمگە ارنالعان ارناۋلى اعىمدىق ەسەپشوت بارلىق جاعىنان قورعالعان. تٸپتٸ بٸر جەردەن قارىز اقشا الۋىڭىزعا بايلانىستى قاندايدا بٸر كرەديتور, ٷشٸنشٸ تۇلعا سوت شەشٸمٸمەن سٸزدٸڭ ەكٸنشٸ دەڭگەيدەگٸ بانكتەگٸ كەز كەلگەن ەسەپشوتىڭىزدى بۇعاتتاسا دا بۇل ەسەپشوتتى ەش بۇعاتتاي المايدى. ال ەگەر وسى ۋاقىتتا سٸز باسقا جاققا كەتٸپ قالىپ, قاراجاتىڭىزدى پايدالانا الماساڭىز, وندا 45 كٷننەن كەيٸن ونى بٸز قاراجاتتى سٸزدٸڭ بٸرىڭعاي جيناقتاۋشى زەينەتاقى قورىڭىزداعى ەسەپشوتىڭىزعا قايتارامىز», - دەدٸ لەززات يبراگيموۆا.
ەسكە سالساق, 2 قاڭتاردا قر پرەزيدەنتٸ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
قازاقستاندىقتاردىڭ زەينەتاقى جيناقتارىن پايدالانۋ ٷشٸن جاڭارتىلعان «جەتكٸلٸكتٸلٸك شەگٸ» جارييالاندى.
